حیرانم هنوز...

دلبرا امداده گل، عشقینده سوزانم هنوز   

بو بلالی بحرده من غرق طوفانم هنوز

غم اُلوب جاری بوتون رگ لرده بو هجرانیدن      

چاره قیل بو کونلومه گؤر زار و گریانم هنوز

ساق می وئرمور بو عاشقلر یانیر میخانه ده      

وئر می عشقوندن ای دلبر که عطشانم هنوز

شمع جانیم گه گولور، گه گؤزلرین یاشین توکور      

آغلاماقنان گولمگین ده مات و حیرانم هنوز

تشنه جانیم هی قاچیر مجنون کیمین صحرالره     

داد ائدیر لیلاسینه، گل گؤر پشیمانم هنوز

گر خلیل ابراهیمین تک یاندیریرسان عاشقین     

من منای عشقده مشتاق قربانم هنوز

عشقه اولما مدعی مسرور، یوخدور طاقتین     

من فقیرم عشقده موناندی نالانم هنوز

                               «مسرور»