علی اؤلنده اؤنا اهل کوفــه
آغلادیـــلار
حسین اؤلنده اؤنی آت چاپوب آیاقلادیلار
علی اؤلنــــــــده اؤنا اهل کوفه دوتدیلا یاس
قرا علم گوتوروب هامی گئیدی قاره لباس
علی دئیوب هامی آغلاتدی کوفه داغ داشینی
نیه کول اوستونه بس قویدیلار،حسین باشینی؟
علی اؤلنده هامی کوفیـــان گئیــــوب قـــاره
حسینه بس نیـــه ویـــــــردی ساغالمیان یاره؟
تمام قــاره گئیـــــوب زینبیلن آغلادیــــلار
اؤ کربـــــلاده نیـــــه قولارینی باغلادیلار؟
علی اؤلنــــــده باشا سپدی کوفه لی توپراق
حسین باشین نیه مطبخ سراده ائتــــدی قوناق؟
علی اؤلنده هامی جاری ائتدی گــوز یاشینی
نیه کول اوستونه بس قویدیلار حسین باشینی؟
علی اؤلنده هامی گئیدی قاره جـــامـه سینی
آپاردیلار نیه غـــــارت حسین عمـامه سینی؟
شعر از زنده یاد: احمد مختاری
ظلمیله مشکه قانی دولان، آغلار آغـــلاماز؟
هر بلبلی
کی گلشن زهراده سیر ائده
مختاری تک بو شرحی یازان، آغلار آغلاماز؟
غروب وقتی اولار، غملی بیر
هــواسی غریــبون
دوشه ر خیالینه چوخ، غملی ماجـراسی غریــبون
هامی ائوینه گئــده نـده قــالار اراده غریب لـر
اؤوقته دردینی بیلمه ز، بجز خـداسی غریبـون
آتا بالانون الینده ن دوتوب ائوینـــه گــئده نده
خدا بیلور اوجالار، عرشه آه و واسی غـــریبون
غریب باخار ولی گولمه ز هامی دئینده گولـنده
نه چون کی قلب ده هئچ یوخدی بیرصفاسی غریبون
اگر شهید اولا نورس جوانی قوم لارون اوسـته
یقین کفن اولاجاق، قانلو اؤز لبــاسی غریـبون
ائشیت سه بو خبــری اقرباسی، نیله ر الــــهی
خصوصاً اولسا اگر، بیر قوجـــا آتاسی غریـبون
دیزینده طاقتی اولماز، جوانی اؤلموش آتــانـین
ایکی گوزونده ن اؤگون، اسگیلر ضیاسی غریبون
اوغول جنازه سیــنی آختاروب تاپاندا یارالـی
حسین کیمی اوجالار عرشه چوخ نواسی غریـبون
ائشیتموسن کی حسینون عزیز جـــوانی اؤلنده
یارالی اوغلونا تابوت اولـوب عبــاسی غریـبون
یارالی اوغلی قوجاقین ده ذوالجناحینون اوسـتـه
عباده ن هر طـرفه قـان وئـره ر یاراسـی غریبون
یوخیدی قارداشی، اوغلی، قوجاقه اکبرون آلسون
ولی سوسوز بالالار، اولدی هم صداسی غریـبون
آلوب ارایه علی اکبــری، باش آچدی حـــرم لر
اوجالدی شیون اؤگون باشلانوب عزاسی غریـبون
دوروب باخاردی خانم لیلی خیمه لر آراسینـــدان
یاخـینا گلمگه، مانع اولور حیــاسی غریــــبون
گوروب بوحالی حسین أمرائدوب کناره گئدون سیز
گلوب جوانینی گورسون، اوغول آناسی غریـــبون
قویون غریب آنا گلسون یارالی اوغلـونی گورسون
سسینه سس وئرون، از بس اؤلوب بالاسی غریبون
حسینه آغلاسا «مختاری» قـبر ائـوینده یقین دور
اؤ گوز یاشی اولاجاق، دردیــنون دواسی غریبون
ای راه حقیـقت ده بــاتان قــانه، حسیـنیم ای شاه لب عطشان
قـرباندی باجــون قبـــــر پریشانه حسینیم زینب سنـــه قربان
مـدّتی باجون حسرتیدی گلشن و باغه سولموش گولوم ای وای
بیـر بولبولیدیم یانمیـشیدیم درد فــــراقـه یاندی دیلیم ای وای
گلدیم که آلام اصغریوی بیرده قوجـاقه لای لای بالا لای لای
لای لای چالا باجون، قوزی قربانه حسینیم زینـب سنه قــربان
یادوندادی قارداش که باشون اوستونه گلدیم گوداله دوشنـده
قانیله دولان گؤزلریـوون قانینی سیلدیم من شمری گؤرنده
خنجـر دمینه من بو ایکی اللری وئـردیم باشــون کسیــلنده
زینب له دانیش، دوتما اوزون یا نه حسـینیم زینب سنــه قربـان
چؤخ ائتمه گلایه که سنه آغلاما د یم من؟ قالدون قوری یئرده
هئچ باجی کیمی گؤزلرووی باغلامادیم من؟ لب تشنه اؤلنـده
یا کی حرمونله یا سووی ساخلامادیم من یـانـنام بئله درده
اولموشدیم اسیر، فرقه ی عدوانه حسینیـم زینب سنه قـــربان
قــارداش ائشـیده باجی گلور گلسه قبـاقه بو رسـم دور از بس
بیـر روح گله ر قلب پریشـــانه حسـینیــم زینب سنـه قـربان
حتماً سنه اکبر دئیوب ای چوخلی یاراسی یا نوندا دور اکبــر
عمّه م باجیلار هامی گلور، باشـدا قراسی ای سبـط پیمبــــر
وار زینب الینده گؤروره م قانلـو لواســی القـــــاندی یکسر
دور گل قبـاغا، بــاخ بـو اسیـرانه حسینیـم زینب سنـه قـربان
بیــر عدّه اسیرانه نگهـبان باجی قـــربــان رقیّــه سی نـا لان
شرمنده اؤلان دیده سی گریان باجی قربان بو سؤز منی داغلار
رقیـّه قالوب شام ده مهمان بـاجی قربـان یاس ساخلاییب آغلار
امّا اطاقــون ائـتـــدیله ویــرانه حسینیم زینـب سنــه قربان
رقیّه غمینه نئجه گؤر دوزدیم حسینیـــم لای لای بالا لای لای
اکبر یوخودی قبرینی من قازدیم حسینیم لای لای بالا لای لای
اکبر آدینی باش داشینا یازدیم حسینیـم لای لای بالا لای لای
مختاری یازار شـرحینی هر یانه حسینیم زیـنـب سنـه قربــــان
شعر از مرحوم شیخ احمد مختاری
دایر به وفات حضرت رقیّـه (س)
بیر اوچ یـــاشیـندا قیز نئجــه شیرین زبان بالا
بولبول کیمی گولوندن اولوبدور جدا اؤلوب
نیسگیللی جان وئروبدی، اؤلنـده دئیوب آجـام
معلـــوم اولور آجینــدان اؤ بخـت قرا، اؤلوب
چؤخ آرزو ائدوبدی جوان قارداشیین اؤ قیز
قلبیـنده داغ اکبـــر گلگون قبا اؤلوب
قویموش باشینون آلتینــا بیر خشت پاره سیــن
زینب چکوبدی اوستـونه بیر بوریـا، اؤلــوب
غسّــاله گلــدی غسـل وئره آغلادی دئـــدی
گویا وئـروبله بو قیـــزا زهــر جفــا، اؤلــوب
یا زهریلن اؤلـوبـــدی ویا چـوخ ویـروبدیلار
چؤخ ظلم ائدوبدی بو قیــزا شمر دغا، اؤلوب
لای لای گفتن حضرت زینب بعد از وفات رقیّه (س)
طناب ظلمـــه قولی باغلا نان، بــالام لای لای
دانیش منیله بالا چؤخ شییرین زبانیـــدون
منیله همدمیدون مهربـان، بـالام لای لای
خرابه ایچـره وئره ن جان اؤلن زمانینـــده
یانیندا بیر کسی هئچ اؤلمییان، بالام لای لای
بو نیسگیلون اورگیمده ن رقیـّه جان گئتمه ز
جنازه سی قوری یئرده قالان، بـــالام لای لای
بو باغلو قوللاریوا اؤلمیین بیبون قوربان
جهاندا داغ غمـــه داغلانابیون، بالام لای لای
وطن، وطن دئدون امّا که گئتمه دون وطـنه
خرابه گوشه سین ائتدون مکان، بالام لای لای
گئجه قولاقیمه بیر سوز دئدون یانار قلبیم
بو نیسگیل اؤلدی منه هر زمان، بالام لای لای
دئدون که عمّه قولاق وئر منیم وصیّتیـمه
بو گئجه اؤلمه گیم اؤلدی عیان، بالام لای لای
اگر یــــزید کفن گوندره قبول ائلمه
قبول ایلمــه دیـــم ناتوان، بــالام لای لای
دئدون منه کفن ایله، بو کهنـه پیرهنی
غریبه چون کفــن اؤلماز آلان، بالام لای لای
نه قارداشیم نه آتام وار مزاریمی قازسون
منی مزاریمه یؤخ دور قویان، بالام لای لای
دئدون که عّمه منیم قبریمی قازارسان اوزون
یانار بو سؤزلرووه هر مکان، بالام لای لای
دئدون که قویما قویا شامیــان مــزاره منی
بیزه شمادت ائـدوب شامیان بالام، لای لای
دئدون که اکبـر آدین باش داشیما یاز عمـّه
مــزاریمه اؤلا آدی نشان، بالام لای لای
یازار سنین غمووی شاعران چو مختـاری
اؤخورغمینده یانان نوحه خوان، بالام لای لای
شعر از: مرحوم شیخ احمد مختاری