دایر به شهادت حضرت علی اکبـر(ع)
دگمیش خزان یئلی گؤره سن هانسی گلشنه؟
بولبول وئروبدی سس سسه آه و نــواسی وار
آیا کیمون جــوانی اؤلوب، اولمیوب کفن؟
اگنین ده بلکه، اینـــدی ده قانلو لبـــاسی وار
آیا کیمون جـــوانی اؤلوب نعشی گلمیوب؟
شاید یاراسی چؤخدی، ساغالمـاز یاراسی وار
کیم دور وصیّتی یازولوب قوش قنــــــادینا؟
چونکه بیلــور، اؤنون گؤزو یولدا، آناسی وار
سس دوشدی خیمه گاهه، حسین گتدی اکبرین
امّـــا حسین محاسینی نین قان حنــاسی وار
آلموش قوجاقه مرکبون اوستونده اکبــرین
قانلو عبـا ایچینــده دی قانلـو عبـــــاسی وار
قوش شهپرینده یاده سالوب بیر به بیر یازوب
یاده سالوب وطن ده نئچـــه اقـــرباسی وار
با جیلارین خیاله سالوب جان وئره ن زمان
چونکه بیلور اؤلونجه باشین داقـــراسی وار
آری رقیّـــه تاکه اؤلـــونجن دئــــدی علی!
باجــون اؤلـور، اورک ده ولی مدّعاسی وار
جانیم یئتوب دوداقه گلوب باغلاسان گوزوم
اؤندا یارالی قلبیمــون اکبــــر، صفـــاسی وار
مختــاری یاز رقیـّه غمین نوحه خوانه وئر
ذکر ایله سون اؤمجلس ارا، که عــزاسی وار
زبانحال حضرت لیلا در شهادت علی اکبر (ع)
که سنده ن آیری سینا ،یؤخدی بیرگمــانیم علی
یارالی جـــانووه قربان ائوی داغیلمــوش آنان
یانــوب خیام لـریم ،گئتــــدی آشیانیــــم علی
عزیزیدیم که سنون تک جــوان بالا واریدی
اؤغولسوز ائتدی فلک، گئتدی اؤل زمانیم علی
گئده نده هوشه آدون دلـده ازبریم دی بالا
گلنده هوشه، چیخار عرشـه جک فغانیم علی
سنه طوی ایلمــه دیم شــــاد اولمــادی قلبیـم
سنــون عروســـون اولا، بلکه همـــزبانیم علی
نه قارداشیـــم نه ائلیم وار، علی اؤزون بیلوسن
غریبه بیرآنووام، یؤخـــدی هئچ کسـانیم علی
وئره نده جان دئدیم اکبر باشیم دیزاوسته آلار
باخام اؤنون اوزینه شاد اؤلا روانیم علی
اؤغولسوز اؤلسه آنا قبرینی قازان کیم اولار؟
اؤغول کیمی کیم اولار، حالیمه یانانیم علی
گلــوب بقیــــده هامی آغلیـــار اؤلن لرینــه
منیم هئچ اولمیاجاق، یادینا سالانیم علی
یازار منیم غمیمی داغدیــــــده مختـــاری
اوخوللا بـزم عـزا ایچره، نوحه خوانیم علی
زبانحــال حضرت زینب (س) در غارت خیام
ای نامـــدار قـــــافله ســـــالار، هــــارداسان؟
اؤد ویردی خیمه گاهووه کفّـار، هارداســــان؟
امــــداد وقتی دور آتام اوغلان لاری گلــون
یؤخ زینبــــه بـــو گونده هوادار، هـارداســان؟
باب الحــــــوائج آدلـــی و باب المـــرادسن
باب المـــــراد تئــز گل علمدار، هـارداسـان؟
ای پادشـــــاه دار فنـــــا ،عـــالـــــم بقـــــا
یانــــدی شــرار ظلمیله دربار، هــارداســـان؟
اشعار از ذاکر اهل بیت(ع): مرحوم شیخ احمد مختاری
شعر از ذاکر اهل بیت علیهم السلام: مرحوم شیخ احمد مختاری
دشمن دوست نما چون شجر گل دار است
شاخه اش پر زگل، اما ز کجی پرخار است
ای بسا بلبل خوشخوان که در شاخه ی آن
شده مشغول ترنّم به سر گفتار است؛
زود بیند که همان شاخه قفس بوده به او
چون ز اصلش کج و هم پیچ و خمش بسیار است
دشمن دوست نما، همچو دد و مرصاد است
کینه ورزنده و فرصت طلب و خونخوار است
ظاهراً خوش سخن و، دم ز احبّاء زند
گول خوش خط مخور، نیش زنی چون مار است
تا توانی گلی از شاخه ی بی خار بچین
راست چون نیشکر و شهد در او آثار است
پند «مختاری» به گنجینه ی خاطر بسپار
چون نماند خود او، شعر از او در کار است
شعر از مرحوم «شیخ احمد مختاری»
ای بی خبر! دئمه که بو چرخون وفاسی وار
بیر ذرّه یؤخ وفاسی ولی چؤخ جفاسی وار
فانی دیوب جهانی، خداوند کردگار
«افٍّ لَکَ »، بویوردی خـردمند روزگار
لفظ مؤنّثیلـــه تاپوب بسکه اشتهار
بیر ساعتی اگر سنیلن اولسا باوقار،
شاد ائتمه قلبووی، دئمه یاخجی حیاسی وار
زینت وئروب، مزیّن اولار لاله زاریلن
باغ و بهار و گلشنِ زرّین نگاریلن
«المالُ والبَنـونیلـه»، یعنـی جلالیلن
پژمرده تئـز اولوب،سولار،آیات فانیلن
هانسی گولون، خزاندا عزیزیم صفاسی وار؟
گؤر بو جهاندا کیم لر عزیزیم ائدوب سکوت؟
فکر ایله، بیر فقیر و غنی گؤر اولوب ثبوت؟
یتموبدی سمعـووه مگر آیات عنکبوت؟
خالق جهانی فرض ائلیوب «اوهن البیوت»
چون تار عنکبوت دی آیا بقاسی وار؟
میعادی ائت قبول، چؤخ آختارما شهـرتی
ائت قلب دن کنـــار دخـــی بـو جهــــــالتی
قلبـــونده پایـــدار ائلـــه آیــــات رحمتـــی
کسب حـــلال ایلــه، قبــول ائت عبـــــادتی
ظلم ایله سون، مسـلّـم اذیّت جـزاسـی
وار
آچســـان اگر الـــون بو جهـــــاندا اذیّتــــه
فـوراً ملـک اونـی یازاجاقـــدور کتـــــابتــه
پرونده ایچـــره اؤلدی ذخیــــره قیــــــامتـه
گر توبــون اولسا دوشمیه جکسن ضــــلالته
بی تـوبه گئت، ولی دئمه دردیم دواسی وار
سـال یادووه ســـن آیـــه ی «مثقــــال
ذرّة»
« خیــراً یــره»،هامی اؤخویوبسوز حکایتنین
ائت توبه، خیر عمل ائله سون وارشفــاعتین
خیرین گؤررسن حشرده، چؤخ چؤخ جلالتین
ظلمــون اذیّتی،ولی خیـــرین صفـاسی وار
طغیــــان ائدوبدی نفسـون اگر،چؤخ نصوح وار
ائت رشتــه های توبه نی، قلبـــــــونده استـــوار
ایله عبـــادت، آغـــلاگینــــــان زار و دلفـــکار
«لا تقنطـــوا» دئیــوبدی خـداوند، رحمــی وار
یؤخ سنده شرم، خالقـون امّا حیاسی وار
بسکه« فقـد غفـرت» دئـوب حیّ لاینام
بوآیه نی تلاوت ائـدوب جمـله خاصّ وعام
آختـار وسیله تاپ، عمـلون خیر اؤلا تمام
چون« وابتغـوا الیه» دئیوب اؤلما چـؤخ عوام
مقصودی وار بو آیه ده بیـر مـدّعاسی وار
مقصودی سیّـد دو ســرا، ختـم انبیــا
بیـرده علی ولیّ خـدا، شـاه اوصیـا
بیر مقصدی، یانان قاپوسی، خیـرةُ النّسـاء
مسمـوم اولان یانان جـگری،یعنی مجتبی
بیرده حسین که، عرش خـداده عـزاسی وار
پنجم حسین دی که اؤلارین سیندی لشگری
کرببـلاده اؤلدی اؤنـــون نــورس اکبـری
حقّه فدا گتوردی عبـا ایچـــره اصغـری
اؤل شیرخوارون حالینه ، آغـلاتدی لشـگری
حلقین ده گوردولر که اؤنـون اؤخ یاراسی وار
بیــرده باخـاندا گؤردی اؤ سلطان کربلا
خوردا بالاسی ، اللرینی آچدی صاق صولا
آچدی ایکی گؤزون اؤ گؤزون آچمیـان بالا
دوتدی جهانی زلزله تا عرش کبـریا
اهل سماده ایندی ده، آه و نواسی وار
گؤردی اوچـوبدی روحی نئجه آغلادی حسین
قان لختـه سیله ، گؤزلرینی باغلادی حسین
ال اوسته اؤخلی اصغرینی ، سـاخلادی حسیـن
لای لای دیوب نئجــه اؤره گین داغلادی حسین
قتلگه ایچره، ایندی ده لای لای صداسی
وار
چکدی اؤخون قوجاقه اؤنی آلدی آغــلادی
اصغرآناسینی، یادینـا سالدی آغلادی
اوچ دفعـه تلّه جن یازیلوب گلدی آغلادی
اؤردا رباب ناله سینی، بیلدی آغلادی
گؤردی کنار خیمه ده، آغلار آناسی وار
ناچارگلدی قتلگهه، بیـرده شاه دین
دوردی شهید لر آراسیندا، اؤ دلغـمیـن
بیر بیر مخاطب ایله دی، باش سیـز بدنلرین
گه عـون و فضل و جعفــر و شهـزاده اکبـرین
گه قاسمی چاغیردی،که قاندان حنـاسی وار
گلــدی نـــوا و شیـونه عبّـاسی سسله دی
یانـــدی بلالی بیر غمـه،عبــّاسی سسله دی
اوز دوتدی نهــر علقمـه، عبّـاسی سسله دی
باخـدی اؤ قانلو پرچمـه، عبـّاسی سسله دی
بیر یاندا قانلو مشکیدی، قانلـو لـواسی
وار
باسدی اؤ وقت سینه یـــه، سـروِ صنــوبرین
گتـــدی کنـــار قتلگهـه، غنچـه ی تـــرین
اؤلدی پیـاده، قویـدی یره اؤخلـی اصغــرین
بیر قبـر قــازدی، دفن ائله دی ناز پــرورین
کیم دور حسین کیمی غم بی انتهـاسی وار؟
مختــاری یازموسان یئتیـروب دؤرده ساعتی
صبحـه یاخیندی، وار بو زمانــون شـرافتی
درد دلون دئ اصغــــره، ایستــه زیـارتی
باک ائتمه، حشـرده ائدر اصغـر شفاعتی
اصغـر اوشاقسادا، اؤنون عمده سخاسی وار
«زنده یاد: شیخ احمد مختاری»
علی مظلوم است یا حسین؟
علی اؤلنده اؤنا اهل کوفــه آغلادیـــلار
حسین اؤلنده اؤنی آت چاپوب آیاقلادیلار
علی اؤلنــــــــده اؤنا اهل کوفه دوتدیلا یاس
قرا علم گوتوروب هامی گئیدی قاره لباس
علی دئیوب هامی آغلاتدی کوفه داغ داشینی
نیه کول اوستونه بس قویدیلار،حسین باشینی؟
علی اؤلنده هامی کوفیـــان گئیــــوب قـــاره
حسینه بس نیـــه ویـــــــردی ساغالمیان یاره؟
تمام قــاره گئیـــــوب زینبیلن آغلادیــــلار
اؤ کربـــــلاده نیـــــه قولارینی باغلادیلار؟
علی اؤلنـــده باشا سپدی کوفه لی توپراق
حسین باشین نیه مطبخ سراده ائتـدی قوناق؟
علی اؤلنده هامی جاری ائتدی گــؤز یاشینی
نیه کول اوستونه بس قویدیلار حسین باشینی؟
علی اؤلنده هامی گئیدی قاره جـــامـه سینی
آپاردیلار نیه غـــارت حسین عمـامه سینی؟
از زنده یاد شیخ احمد مختاری